Gaur egun egunero konektatzen gara Internetera, gure eguneroko bizitzan errotuta dagoen ohitura bat bihurtu da. Baina gure komunikazio guztiak telekomunikazio enpresen esku daude, ezin gara gure artean konektatu enpresa bati ordaindu gabe, eta beraiek eskaintzen dizkiguten zerbitzuen menpe gaude.
Gure helburua sare herritar bat osatzea da, pertsonak beraien artean konektatzeko. sare honetara edozein konekta daiteke, enpresa bat kontratatzeko beharrik gabe. internetera ateratzeko ordaindu behar bada ere (gaur egun internetera konektatzeko modu bakarra baita), konexio bat etxe askorekin parteka daiteke, gastuak murriztuz, edo etxeko musika urrunetik atzitu daiteke adibidez. ideia gehiago nahi badituzu bilerara hurbildu zaitez 🙂
GISA elkartea irabazi asmorik gabeko elkartea da, bere helburua software librea bultzatzea da, eta orain guifi.net proiektua aurkeztera dator, Kaputxinoseko gure bulegoko konexioa partekatzeko asmoz.
